اے خدا ہر مبلغ کو آباد رکھ
اے خدا ہر مبلغ کو آباد رکھ
ان کے سارے گھرانے کو بھی شاد رکھ
جامعاتُ المدینہ کو آباد رکھ
ان کے ہر ایک استاد کو شاد رکھ
اُن کی سب طالبات اور طلاب کو
شاد رکھ شاد رکھ شاد و آباد رکھ
ان کو علم و عمل کا تو پیکر بنا
راہِ سنت پہ ان کو چلا، شاد رکھ
ہر مبلغ کو تو بخش دے بے حساب
سب کو قبر وقیامت میں بھی شاد رکھ
عاشقانِ رسول اے خدا خوش رہیں
دشمنانِ نبی کو تو برباد رکھ
عاشقانِ رسول آفتوں سے بچیں
ان کو امن واماں دے انہیں شاد رکھ
مرکزی مجلس شوریٰ پر ہو کرم
اس کے ہر رکن کو شاد و آباد رکھ
ہو ہر اسلامی بھائی پہ رحمت مُدام
ساری اسلامی بہنوں کو بھی شاد رکھ
اہل اسلام پھولیں پھلیں خوش رہیں
دین کے دشمنوں کو تو برباد رکھ
نیکیاں بھی کرے سنتوں پر چلے
دیں پہ قائم سدا میری اولاد رکھ
مدنی چینل کو تو نظر بد سے بچا
ہر معاوِن کو بھی اس کے تو شاد رکھ
مولا! عطارؔ کو از پئے مصطفی
دیدے جنت، جہنم سے آزاد رکھ