ناں اُس دی ابتداء کوئی ناں اُسدی انتہاء کوئی
ناں اُس دی ابتداء کوئی ناں اُسدی انتہاء کوئی
پتہ دس سکدا خالق دا کویں دسو بھلا کوئی
اوہ ہر اول توں اوّل اے اوہ ہر آخر توں آخر اے
ناں اُس دے باہجھ ہے کوئی ناں اسدے ماسوا کوئی
ایہہ ٹکرا کے زمین و آسماں برباد ہو جاندے
خُدا دے باہجھ ہندا دوسرا جے کر خُدا کوئی
اوه ظالم لعنتی ، بے دین تے مُرتد و مُشرک اے
جو ہے معبود من دا باہجھ رب دے دُوسرا کوئی
ستارے نے نبی سارے نبوّت دے فلک اُتے
محمد مصطفے باہجھوں ناں سے شمس الضحی کوئی
ہے کلمہ طیبہ پڑھنے دا مطلب صاف اے صائم
ہے دوجا خُدا کوئی نہ دوجا مُصطفیٰ کوئی