عزم و استقلال کا پیکر حسین ابنِ علی
عزم و استقلال کا پیکر حسین ابنِ علی
نظم و ضبط و شکر کا خوگر حسین ابنِ علی
حق پرستوں کی نرالی فوج کا بطلِ جلیل
کاروانِ عشق کا رہبر حسین ابنِ علی
گل بدن ، گل پیرہن ، گل رو ، گل افشاں، گل بدوش
وہ بہارِ باغِ پیغمبرؐ حسین ابنِ علی
حدِّ فاصل بن گیا جو خیر و شر کے درمیاں
خون میں ڈوبا وہ مہِ انور حسین ابنِ علی
آبروئے عاشقاں تائبؔ شہیدِ کربلا
افتخار فاتحِ خیبر حسین ابنِ علی