چنگیاں نے شاہاں کولوں میراں دیاں گولیاں
چنگیاں نے شاہاں کولوں میراں دیاں گولیاں
میراں دیاں گولیاں تے کدی وی نہیں ڈولیاں
بھل کے وی اونہاں نے کتاباں نیہوں پھولیاں
جنہاں نے وی سن لیاں میراں دیاں بولیاں
میراں لج پال میراں اک تیری دید لئی
اکھاں دیاں باریاں میں کدوں دیاں کھولیاں
تن من وار چھڈے میراں غوث پاک توں
کنیں پیاں جناں دے میراں دیاں بولیاں
اللہ دی سونہہ اونہاں وچہ آپ میراں بولدا
جہاں عاشقاں نے جاناں میراں اُتوں گھولیاں
حسنی حسینی میراں سخی لج پال نے
قادری ملنگاں دیاں بھریاں نے جھولیاں
جتھے کوئی بیٹھا اے ملنگ میرے غوث دا
بن بن اوندیاں گداواں دیاں ٹولیاں
مرا تے ہے دعوی اوہ کدی نہیں خالی ہونیاں
میرے میراں جنہاں دیاں بھریاں نے گھڑولیاں
کیوں نہ نیازی کہندا پھراں سارے جگ تے
میرے میراں مریاں تے بھریاں نے جھولیاں