ایہ محفل غوث الاعظم دی ایتھے غوثِ پیادیاں باتاں نے
ایہ محفل غوث الاعظم دی ایتھے غوثِ پیادیاں باتاں نے
ہو رہیاں ساری محفل نے آج نور دیاں برساتاں نے
محفل نوں سجا کے بیٹھے نے میراں دے سارے دیوانے
میراں دی نذر گزارن لئی ہنجواں دیاں کول سوغاتاں نے
غوثاں دا غوث ہے غوث جلی جیہدے در تے جھکدے قطب ولی
پنجتن دے باغ دی ہے اوہ کلی میراں دیاں اُچیاں ذاتاں نے
سب ڈبیاں بیڑیاں تر جاون ذرے وی بن دے زر جاون
سب خالی کاسے بھر جاون جدوں پیندیاں اُسدیاں جھاتاں نے
میرا آقا غوث جیلانی ایں اوہدی دو جگ تے سلطانی ایں
کر دیتیاں میرے اللہ نے اوہدے تابع دن تے راتاں نے
اوہدی یاد دے دیوے دے اندر پوندا رہو تیل عقیدت دا
پھیر دیکھیں ہندیاں نال تیرے کیویں غوث دیاں ملاقاتاں نے
ہے عاجز قلم نیازی دا میراں غوث دیاں تعریفاں توں
میرے ذہن خیالاں توں اچیاں میراں دیاں صفت صفاتاں نے