جہد و زُہدِ انبیاء گنجِ شکر بابا فریدؒ
رہنمائے اولیاء گنج شکر بابا فریدؒ
حضرتِ خواجہ معینُ الدّین ؒ کی آنکھوں کے نور
مہرِ عرفاں کی ضیاء گنجِ شکر بابا فریدؒ
اس وطن کا نقشِ اوّل خطہءِ شہرِ پتن
رہبروں کا پیشوا گنجِ شکر بابا فریدؒ
زندگی میں وا ہوا جس کے لیے بابِ بہشت
پیکرِ صبرو رضا گنجِ شکر بابا فریدؒ
جس نے محبوبِ الہٰی کو دیا رنگِ جمال
وہ چراغِ چشتیہ گنجِ شکر بابا فرید ؒ
صابرِ کلیرؒ کو اِ س در سے ملا رنگِ جلال
مصدرِ بابِ عطا گنجِ شکر بابا فریدؒ
کیوں نہ ہو وردِ زباں واصؔف علی "نامِ فریدؒ"
گوشہِء دل پر لکھا گنجِ شکر بابا فریدؒ
۔۔۔۔۔
شاعر کا نام :- واصف علی واصف
کتاب کا نام :- شبِ چراغ