لیندے چڑھدے لوکی سارے گون ترا نہ میراں دا
لیندے چڑھدے لوکی سارے گون ترا نہ میراں دا
فرش تے کی اے عرشاں تے وی ہے افسانہ میراں دا
پنجتن پاک دا لال ہے سچا رب نے کیتا شان ہے اُچا
شاناں والا پاک محمد سوہنا نانا میراں دا
ولیاں دی بارات ہے آئی پاک نبی دی ذات آئی
بڑیاں رونقاں لیکے آیا عرس شاہانہ میراں دا
قسمت نال چا اکھیاں لڑیاں قادری مے دیاں مستیاں چڑھیاں
مستی دے وچہ گٹ آج ہو یا ہر مستانہ میراں دا
دانے بن دیوانے جاون میراں دے پٹے ڈھولے گاؤن
جیہڑے وی اک واری پیندے نے پیمانہ میراں دا
میراں وی یاداں دے دیوے کلی دیوچہ بال کے رکھیں
پھیر ہووے گا کلی وچہ پھیرا روزانہ میراں دا
قادری فیض دے در نے کھلے سخی سلطان دے جھنڈے جھلے
بختاں والیاں نے آج لٹناں خاص خزانہ میراں دا
تھاں تھاں فیض دے بوٹے لائے منگتے پھڑ سلطان بنائے
ایویں تے نہیں قسم خدا دی جگ دیوانہ میراں دا
سیرت پاک حدیث نیازی صورت سونی پاک قرآنی
لاٹ نورانی دیکھ کے ہویا جگ پروانہ میراں دا