لجپال سخی ارشاد پیا جند ہر دم تینوں یاد کرے
لجپال سخی ارشاد پیا جند ہر دم تینوں یاد کرے
کدی موڑ مہاراں لے ساراں اکھ رووے دل فریاد کرے
سن عرضاں اوگنہار دیاں آ خبراں لے بیمار دیاں
مینوں تاہنگاں نے دیدار دیاں لوں لوں ارشاد ارشاد کرے
دل چورہ چورہ ہوئے نے بڑا نین نمانے روئے نے
بناں وارثاں کوئی وارث نئیں جیہڑا دکھیاں دا دل شاد کرے
جیویں سنیاں نعتاں یار دیاں محبوب مٹھل من ٹھار دیاں
اوہ اج وی چیتے اوندا اے کوئی جد محفل میلاد کرے
نت لگن میلے یاراں دے پھل مہکن تیرے پیاراں دے
سدا موسم رہن بہاراں دے تیرا چمن خدا آباد کرے
وچہ قبر حشر دے ڈولن ناں اعمال میرے مینوں رولن ناں
تیرے سنگیاں ساتھیاں یاراں دی اللہ ہر تھاں تے امداد کرے
ایمان ہے ایہو نیازی دا اس دل دی مہکی رہندی فضا
جتھے ڈیرا تیریاں یاداں دا اوہنوں کیویں خزاں برباد کرے