میرا خواجہ غریب نواز
میرا خواجہ غریب نواز
میرا خواجہ غریب نواز
ہندالولی تے قطبِ زمانہ
جگ ہویا اس دا مستانہ
اوہ ہے وحدت دا راز
میرا خواجہ غریب نواز
اوہ حیدر دی اکھ دا تارا
قطب الدین دا پیر پیارا
ہے ولیاں وچ ممتاز
میرا خواجہ غریب نواز
اگ وی ہے بن پانی جاندی
ہو دنیا دیوانی جاندی
جد چھیڑے ھودا ساز
میرا خواجہ غریب نواز
پل وچ پینڈے کل مکاوے
لامکانی پھیریاں پاوے
اوہ اجمیری شاہباز
میرا خواجہ غریب نواز
جند غماں نے جالی میری
عملوں جھولی خالی میری
ہے اس دے کرم تے ناز
میرا خواجہ غریب نواز
وار دے یار توں جان نیازیؔ
پڑھدا رہو ہر آن نیازیؔ
اوہدی یاد نوں سمجھ نماز
میرا خواجہ غریب نواز