نام سن کے آگیاں سخیا تیرے در بار دا
خیر مینوں دے تو صدقہ اپنے پروار دا
دادا تیرا مرتضی نانا محمد مصطفے
پھل ہیں توں مہکدا سادات دی گلزار دا
تینوں کیتا اے لاثانی چور والے یار نے
خالی دامن کیوں رہوے تیرے اس او گنہار دا
تیرے میخانے دیاں دھماں نے جگ وچ ساقیا
رنگ ہے وکھرا زمانے توں تیرے میخوار دا
جو وی آون در تیرے بھر بھر لیجاون جھولیاں
تیرے فیض عام دا دریا ہے ٹھاٹھاں مار دا
ہن وی تیری ذات کر دی دستگیری خلق دی
ہن وی تیرا نام ڈبے بیڑیاں نوں تارا دا
ہتھ اٹھا دونویں نیازی منگدا ہاں ایہہ دعا
حشر تک وسدا روے کوچہ میری سرکار دا
شاعر کا نام :- عبدالستار نیازی
کتاب کا نام :- کلیات نیازی