ساڈی بیڑی بنے لا میراں بغداد والیا
ساڈی بیڑی بنے لا میراں بغداد والیا
سُن دکھیاں دے درد ونڈا میراں بغداد والیا
آس اڈیک تیرے نال لا کے
تیری چوکھٹ تے ہُن آکے
اساں جھولی لئی اے وچھا میراں بغداد والیا
تیوں علی لجپال دا صدقہ
سوہنے نبی دی آل دا صدقہ
ہُن سُن لے توں میری صدا میراں بغداد والیا
دُکھیاں دے توں درد ونڈاویں
چوراں پکڑ تُوں قُطب بناویں
بیڑی ساڈی وی بنے لا میراں بغداد والیا
چھَم چھَم ہر دَم برسن اکھیاں
دید تیرے نُوں ترسن اکھیاں
کدی سانوں وی دید کرا میراں بغداد والیا
حاکؔم اُتّے کر م کما کے
اپنا سوہنا شہر وکھا کے
ہُن ساڈے وی بخت جگا مِیراں بغداد والیا