شاہ لاثانی کر دے کرم دی نظر
شاہ لاثانی کر دے کرم دی نظر
ایہناں امید واراں چہ میں وی تے ہاں
جاندا جاندا بس اک جھات پا جا شہا
تیریاں راہ گزاراں چہ میں وی تے ہاں
شاناں اُچیاں تیرے آستانے دیاں
دھماں پیاں نے تیرے میخانے دیاں
لوگ پیون تے میں کیوں رواں تر سدا
جد کہ تیرے میخوراں چہ میں وی تے ہاں
دل دی حسرت کدی تے مٹا سوہنیا
مینوں اک وار سینے لگا سوہنیا
خیر دیدار دا ہن تے پا سوہنیا
طلب گاراں ہزاراں چہ میں وی تے ہاں
دل دے گلشن دیاں سکیاں ڈالیاں
تیری ہو وے نظر ہوون ہریالیاں
جو بہاراں خزاں دی نظر ہو گئیاں
آقا اونہاں بہاراں چہ میں وی تے ہاں
مان توڑیں نہ آقا گنہگار دا
منگدا صدقہ ہاں میں تیرے پروار دا
بھر دے دامن مرا سن میری التجا
درتے کھڑیاں قطاراں چہ میں وی تے ہاں
منزلاں ول سفینے ٹری جاوندے
بختاں والے مدینے ٹری جاوندے
میں وی ویکھاں شہا جا حرم دی فضا
غمزده بیقراراں چہ میں وی تے ہاں
نام لیوا نیازی اے سرکار دا
واسطہ سوہنیاں تینوں ہریار دا
چیتا محشر نوں رکھنا گنہگار دا
ترے خدمت گزاراں چہ میں وی تے ہاں