(ترجیع بند)بہارِ فکر ہے تذکارِ خواؐجہ لولاک
بہارِ فکر ہے تذکارِ خواؐجہ لولاک
منارِ نور ہے کردارِ خواؐجہ لولاک
بساطِ زیست پہ تاباں نقوش عہد رسُولؐ
ابد فروز ہیں اقدارِ خواؐجہ لولاک
امینِ خیر ہے پیغامِ سیّد ابرارؐ
محیط دہر میں انوارِ خواؐجہ لولاک
سخن کی جاں ہے بیانِ پیمبرؐ رحمت
حیات بخش ہیں افکارِ خواؐجہ لولاک
ہر ایک دل ہے فدائے شمائلِ حضرت ؐ
ہر اک نظر ہے طلب گار ِ خواؐجہ لولاک
محمّدِؐعربی التفات کا پیکر
محّمدِؐ عربی کائنات کا محور
کہاں زمان و مکاں میں جوابِ شاہِؐ امم
ہمہ نجات رہِ مستطابِ شاہِؐ امم
جمالِ کون و مکاں گردِ کاروانِ نبی ؐ
جلالِ فقر و غنا ہم رکاب شاہِؐ امم
ستم کشوں کے لیے شفقت امامؐ رسل
ستم گروں کے لیے احتسابِ شاہِؐ امم
نشانِ امن و اماں کار زارِہستی میں
پناہِ عالمیاں ہے جناب ِ شاہِؐ امم
سب آبروئیں ، لہو، مال بیش قیمت ہیں
یہی تھا آخری حج میں خطاب ِ شاہِؐ امم
محّمدِؐ عربی شاہِ عافیت آثار
محؐمّد ِ عربی ماہِ زندگی پر ور
عیاں ہیں دن کی طرح سب صفات ِ ختمِؐ رسل
کھلی کتاب ہے گویا حیاتِ ختمِؐ رسل
ہر ارتقا ہے انھی کی نظر سے اذن طلب
تمام حسنِ تمّدن ، زکاتِ ختمِؐ رسل
ضیا فگن ہے دلیل وجود ِ حق بن کر
جریدہ دوسرا پر ثباتِ ختمِؐ رسل
جو زندگی کو ہمیشہ حرارتیں دے گا
وہ آفتاب ہے، دنیا میں ذاتِ ختمِؐ رسل
کتاب ِ زندہ و شرعِ متین و دین مبیں
جہاں میں کم تو نہیں معجزاتِ ختمِؐ رسل
محؐمّدِ عربی اعتبارِ لوح و قلم
محمّد ِؐ عربی افتخارِ جِن و بشر
جہاں میں نور سراپا کتاب ِپیغمبرؐ
فلاح و خیر کا طُغرا کتاب ِپیغمبرؐ
نصابِ تازہ و محکم برائے نوعِ بشر
کتابِ ارفع و اعلیٰ کتاب ِپیغمبرؐ
حیات و موت کے سب راز کھولنے والی
رموزِ دیں سے مجلّا کتاب ِپیغمبرؐ
وہ اعتبار ِ وجود و عدم ، صحیفہ حق
امینِ ماضی و فردا کتاب ِپیغمبرؐ
وہ جس کے باب میں امّ الکتاب آیا ہے
وہ اپنی شان میں یکتا کتاب ِپیغمبرؐ
مؐحمّدِ عربی امتیازِ باطل و حق
محمدِّؐ عربی بےنیازِ لعل و گہر
اساسِ عدل و مساوات دینِ سرؐورِدیں
تمام نوعِ بشر ہے رہینِ سرؐورِدیں
کفیلِ راحتِ عالم ہے سنّتِ نبوی
سبیلِ خیر ہے شرعِ متینِ سرؐورِدیں
بصیرتوں کا ہے مظہر وہ چہرہ روشن
صداقتوں کا نشاں ہے جبینِ سرؐورِدیں
سکھائے سرؐورِدیں نے معارف ِ ہستی
ہیں سب فلاسفہ بھی خوشہ چینِ سرؐورِدیں
جہاں میں وجہِ شرف ہے، اگر تو حُسنِ عمل
اصولِ حق، سخنِ دل نشینِ سرؐورِدیں
مؐحمّدِ عربی آرزوئے دیدہ وراں
محؐمّدِ عربی آبروئے اہلِ ہنر