یہی نسبت مری اک نسبتِ لافانی ہے
دلِ آوارہ گدائے شہِ جیلانی ہے
خاکِ بغداد میں جلووں کی وہ ارزانی ہے
رشکِ مہتاب ہر اک ذرّے کی پیشانی ہے
تازگی گلشنِ عرفاں میں اسی نام سے ہے
گرم اسی ذکر سے ہر محفِل رُوحانی ہے
اک ہمی ہیں کہ نہ پہنچے ترے در پر اب تک
وائے تقدیر یہ کیا بے سر و سامانی ہے
شاہِ بغداد نے بخشی وہ گدائی اعظم
جس پہ سَو جاں سے فدا عظمتِ سُلطانی ہے
شاعر کا نام :- محمد اعظم چشتی
کتاب کا نام :- کلیاتِ اعظم چشتی