آ دردا آج دل میرے نوں کر دے بیرا بیرا
آ دردا آج دل میرے نوں کر دے بیرا بیرا
محفل دے وچ نظر نہیں اوندا یار پیارا میرا
درد سجن دا لوں لوں رچیا چین گیا گھر باروں
یار میرا نہیں آیا مُڑ کے لے چھٹیاں سرکاروں
کس نوں دل دا حال سناؤاں کون سنے دُکھ میرے
گئے گواچے بھال لیاوے کون بھلا سُکھ میرے
دل میرے وچہ لانُبو بل دے جان فلک نوں لاٹاں
ہجر دیاں میں کیویں مُکاواں انھیاں لمیاں واٹاں
ئن فریاد میری محبوبا اک واری تے آویں
مُکھ دکھلا کے جند میری وی نال اپنے لے جاویں
ہور نہیں تے میرے اُتے ایناں کرم کماویں
جے ہے تینوں اوناں مشکل مینوں کول بلاویں
پک چلیاں نے اکھیاں سجناں تک تک تیریاں راہواں
چھڈ جاناں ایں اک دن صائم آخر میریاں ساہواں