آگئی مسعود ساعت عیدِ میلاد النبی
آگئی مسعود ساعت عیدِ میلاد النبی
مرحبا جشنِ ولادت عیدِ میلاد النبی
موجبِ فرحت، مسرت عیدِ میلاد النبی
باعثِ نغماتِ مِدحت عیدِ میلاد النبی
نورِ خورشیدِ رسالت عیدِ میلاد النبی
ماحیِ کفر و ضلالت عیدِ میلاد النبی
آئی رحمت، چھائی برکت عیدِ میلاد النبی
ہوگئی کافور ظلمت عیدِ میلاد النبی
سر پہ دستارِ فضیلت عیدِ میلاد النبی
اونچی تیری شان و شوکت عیدِ میلاد النبی
کائناتِ رنگ و بو جس سے معطّر ہو گئی
تجھ میں ہے کچھ ایسی نکہت عیدِ میلاد النبی
بچے، بوڑھے، گورے، کالے سب کے سب تجھ پر فدا
پُر کشش ہے تیری رنگت عیدِ میلاد النبی
مرحبا صلِ علیٰ، صلِ علیٰ کا شور ہے
وجد میں ہے ساری خلقت عید میلاد النبی
جس سے بڑھ کر کوئی نعمت اور دنیا میں نہیں
رب کی ہے اک ایسی نعمت عیدِ میلاد النبی
جشن میلادِ پیمبر تم مناؤ شوق سے
دے گی ایماں کو حرارت عید میلاد النبی
بہرِ عشّاقِ نبی یہ اک بڑا تہوار ہے
بہرِ نجدی ہے قیامت عیدِ میلاد النبی
” حشر تک ڈالیں گے ہم پیدائشِ مولیٰ کی دھوم“
بالیقیں بخشے گی جنت عیدِ میلاد النبی
جلنے والوں کو سنا دے اے طفیلِ خوشنوا
ہے میاں ”شرعی حقیقت“ عیدِ میلاد النبی