آجاؤ میرے آقا ، مولا میرے آجاؤ
آجاؤ میرے آقا ، مولا میرے آجاؤ
اُجڑی ہوئی آساں دی ، آج جھوک وسا جاؤ
سب آگئے نے مستانے رل بیٹھے نے دیوانے
مازاغ نگاہواں دا اک جام پلا جاؤ
اکھیاں نے اُڈیک رہیاں سرکار سواری نوں
والیل دی لٹ چا کے اک جھلک دیکھا جاؤ
منگتے وی تُساڈے ہاں محفل وی تساڈی اے
سب جھولیاں بھر جاؤ محفل وی سجا جاؤ
گھر بار تے کی آقا جند جان وی وار دیاں
اک وار جے گھر میرے اک جھاتی پا جاؤ
درداں دی دوا بن کے مرضاں دی شفا بن کے
بیمارِ محبت دا ہر درد مٹا جاؤ
اعمال توں یا آقا جھولی اے میری خالی
وگڑی ہوئی صائم دی قسمت نوں بنا جاؤ