اعمال بھی ہمارے کسی کام کے نہیں
اعمال بھی ہمارے کسی کام کے نہیں
جھلکے اگر نہ عشقِ شہِ انبیاء کا رنگ
خدائے پاک کی سنت ادا کریں ہم لوگ
چلو حضور کی مدح و ثنا کریں ہم لوگ
حیاتِ تیرہ کا ہر گوشہ جگمگائے گا
طوافِ نورِ چراغِ حرا کریں ہم لوگ
نجات کا یہ ذریعہ بھی ہے عبادت بھی
شرابِ عشقِ نبی کا نشہ کریں ہم لوگ
جمالِ گنبدِ خضرا بساکے آنکھوں میں
شجر ولائے نبی کا ہرا کریں ہم لوگ
نبی کے روضۂِ اقدس پہ موت آئے ہمیں
دعا کریں تو یہی اک دعا کریں ہم لوگ
یہ کارِ خیر بھی ہے سنتِ الٰہی بھی
چلو رسولِ خدا کی ثنا کریں ہم لوگ
دیارِ فکر کی ہو جائے گی فضا روشن
شفیقؔ مدحتِ شمس الضحیٰ کریں ہم لوگ