اے دل گبھرا نہ کچھ دن تے رو رو کے گزارا ہووے گا
اے دل گبھرا نہ کچھ دن تے رو رو کے گزارا ہووے گا
اوہ دن وی اک دن آوے گا جد کول پیارا ہووے گا
ایہہ منیاں بدیاں وَدھ جاسن دن حشر دے نیک اعمالاں توں
پر پلا یار دی رحمت دا عیباں توں بھارا ہووے گا
دوزخ دے فرشتے چھڈ دیسن سرکار دی ساری اُمت نوں
اُس سوہنے کملی والے دا جس وقت اشارا ہو دے گا
دن حشر دے خالق چاہوے گا مرضی محبوب پیارے دی
جس جس نوں یار نے چن لینا اوہدا یار اُتارا ہووے گا
اے درداں ماریا مہجورا آ یار دے پاک دوارے تے
اس چوکھٹ تے سر رکھدیاں ای ہر درد دا چارا ہووے گا
دن حشر دے زہرا پاک جدوں لے آؤناں خُون شہیداں دا
وچ محشر رب دی سونہہ مینوں ، اک حشر دوبارا ہووے گا
اس واسطے صائم ہر ویلے میں موت نوں واجاں ماردا ہاں
سُنیاں ایں عربی ماہی دا وِچ قبر نظارا ہووے گا