اے حبیبِ رب اکبر! آپ کے ہوتے ہوئے
کون اترے دل کے اندرآپ کے ہوتے ہوئے
کیسے چمکیں ماہ و اخترآپ کے ہوتے ہوئے
کیسے مہکیں مشک و عنبر آپ کے ہوتے ہوئے
کر رہے ہیں جب مری ہر اک ضرورت کا خیال
کیوںمیں دیکھوں غیر کا درآپ کے ہوتے ہوئے
کس طرح بھائے مری آنکھوں کو دنیا کا جمال
اے حسینوں سے حسیں تر آپ کے ہوتے ہوئے
کاش ہوتا! ساقیٔ کوثر کے عہدِ پاک میں
میں بھی پڑھتا نعتِ انورآپ کے ہوتے ہوئے
کیا عذابوں سے ڈرائیں گے مجھے منکر نکیر
قبر میںمحبوبِ داورآپ کے ہوتے ہوئے
جب مرے حامی ہیں آصف شافع روزِ جزا
کیوں کروں میں فکرِ محشرآپ کے ہوتے ہوئے
شاعر کا نام :- محمد آصف قادری
کتاب کا نام :- مہرِحرا