اَے کملی والے میں دُکھیا مجبور
اَے کملی والے میں دُکھیا مجبور
سَد لَو اپنے حضور اے کملی والے
میں بے پر تے دُور مدینہ ہجر دی اگ نے ساڑیا سینہ
کرنا کرم ضرور اے کملی والے ، میں دُکھیا مجبور
مڑ مڑ تیری یاد ستاوے ، اک پل مینوں چین نہ آوے
بطحا نگریا دُور اے کملی والے ، میں دُکھیا مجبور
منزل دُور تے تھکیا راہی ، سد قدماں وچہ میرے ماہی
کر دے معاف قصور اے کملی والے ، میں دُکھیا مجبور
کملی والیا سُن فریاداں ، سینے لائیاں تیریاں یاداں
دل وچہ تیرا نور اے کملی والے ، میں دُکھیا مجبور
جو ملدا سو ویری ملدا ، تئیں بن سوہنیا شیشہ دل دا
ہو گیا چکنا چور اے کملی والے ، میں دُکھیا مجبور
صائم جان جلائی غم نے ، وقت اخیر اخیری دم نے
کر عرضاں منظور اے کملی والے ، میں دُکھیا مجبور