اے صاحبِ معراجﷺ
اے سلسلہ دعوت وار شاد کے سر تاج
دیتا ہے ترے نام کو ہر عزو شرف باج
تہذیب وہ تمدّن ہیں ترے سجرا کی امواج ۔۔۔۔ اے صاحبِ معراجﷺ
معیارِ فضیلت ہے تری زیست کا انداز
انوارِ محبّت سے ہے اُمّت تری ممتاز
مینارِ ہدایت ہے ترے دین کا مِنہاج۔۔۔۔ اے صاحبِ معراجﷺ
پیرو ہیں ترے بُت شکن و فاتحِ دوراں
کردار ہے جن کا صفتِ صبح ِ درخشاں
نصرت کا نشانِ ابدی ہیں تری افواج ۔۔۔۔ اے صاحبِ معراجﷺ
پامالِ ستم ہم ہیں تری راہ سے ہٹ کر
رُسوا ہوئے اغیار کے دامن سے لپٹ کر
حال اپنا ہے تیرے کرم ِ خاص کا محتاج ۔۔۔۔ اے صاحبِ معراجﷺ
صد شکر نگاہوں میں فقط اب ترا دَر ہے
پستی کے مکینوں کے بلندی پہ نظر ہے
ہر مرحلے میں ملّتِ بیضا کی رہے لاج۔۔۔۔ اے صاحبِ معراجﷺ