اہلِ عرب کو صاحبِ مقدور کیا ہے
اہلِ عرب کو صاحبِ مقدور کیا ہے
ریگِ عرب کو نور علیٰ نور کیا ہے
شاہِ زمنؐ نے مانگنے والوں کو بھی ہمیش
جود و عطا کی بھیک سے مسرور کیا ہے
دُنیا میں غم کے ماروں کی دلجوئی کے لیے
خلاقِ کل نے آپؐ کو مامور کیا ہے
طیبہ سے تشنہ لوٹ کے آیا نہیں کوئی
ابرِ کرم نے خوب شرابور کیا ہے
میں نعت لکھ سکوں مری اوقات تو نہیں
کچھ جذبہ ہائے قلب کو مسطور کیا ہے
رنگینیء حیات میں کوئی کشش نہیں
طیبہ کے ریگزار نے مسحور کیا ہے