اج پاک محمد آیا اے اج پاک محمد آیا اے
اج پاک محمد آیا اے اج پاک محمد آیا اے
فرش توں لیکے عرشاں تیکر ، نور دا بدل چھایا اے
آج پاک محمد آیا اے
سب توں پہلا قطبی تارا ، رب دا پاک حبیب پیارا
عرش دی رونق فرش دے اُتے ، آ جلوہ فرمایا اے
آج پاک محمد آیا اے
باد صبا رحمت دی چلے ، جھکیا عرش زمیں دے ولے
نور دے تڑکے نوریاں رل کے ، نور دا سہرا گایا ائے
آج پاک محمد آیا اے
نوری مکھرا چن پیشانی ، لب یاقوتی اکھ مستانی
زُلف والیل قدر دی شب تھیں ، پایا نشان سوایا اپنے
آج پاک محمد آیا اے
پردے وچ لکایا کجھ نئیں، باقی کول بچایا کجھ نئیں
سب کچھ اپنا رب نے جھولی ، آمنہ دی آج پایا اے
آج پاک محمد آیا اے
سوہنا ہر اعلیٰ توں اعلی ، نور مجسم سب توں بالا
رحمت عالم جگ دا داتا ، تاج کولاک دا پایا اے
آج پاک محمد آیا اے
بیٹی تائیں کہوے حلیماں ، رج کے خوشیاں کر نی شیماں
رب نے ویر اوہ دیتا تینوں ، جس لئی جگ بنایا اے
آج پاک محمد آیا اے
امت دا رکھوالا آیا ، حق دا نور اُجالا آیا
لہندے چڑھ دے صائم جس دے، نور نے چانن لایا اے
آج پاک محمد آیا اے