اکھاں دی قید چوں جد اشک رہا ہُندے نیں
اکھاں دی قید چوں جد اشک رہا ہُندے نیں
اوہو اوقات ہی اوقات دُعا ہُندے نیں
عمر ساری چ اَدا کیتے جو سجدے ہوؤن
اِکّے ای نظر کرم نال ادا ہُندے نیں
دل تڑفدے نے تے اکھاں چوں برسدے اتھرو
جد خُدا وَالے مدینے توں جدا ہُندے نیں
کیف اوہناں توں عطا ہندا دِلاں نوں ہر دم
درد جو جو ولی مدینے چوں عطا ہُندے نیں
زندگی دائمی اوہناں نوں ملے سوہنے توں
اوہدیاں قدماں دے وچ جیہڑے رضا ہُندے نیں
بخش اوہناں نوں وی دیندی اے نبی دی رحمت
بندے جو لائق تعزیر و سزا ہُندے نیں
جد ہوا ٹھنڈی مدینے دی اے لگدی صائم
مجرم اک لمحے چہ مجرم دے ہوا ہُندے نیں