اللہ نے مختار بنایا میرے کملی والے نوں
اللہ نے مختار بنایا میرے کملی والے نوں
نبیاں دا سردار بنایا میرے کملی والے نوں
مُلاں جھلا نور نئیں من دا اے پر اللہ سوہنے نے
ہے نور الانوار بنایا میرے کملی والے نوں
قاسم اپنی ہر نعمت دا مالک اپنی ہر شے دا
خود رب ستار بنایا میرے کملی والے نوں
اولٰی تے مولا فرما کے ہر اک مومن بندے دا
رب نے حامی کار بنایا میرے کملی والے نوں
جس دے ورگا آپ وی اوہنے کوئی وی ہور بناؤناں نئیں
رب ایسا شہکار بنایا میرے کملی والے نوں
اپنی ذات صفات دا مظہر تے آئینہ اللہ نے
اپنا عکس اُتار بنایا میرے کملی والے نوں
اللہ اُس دے ہتھ نوں صائم اپنا ہتھ فرماوندا اے
کناں پکا یار بنایا میرے کملی والے نوں