انبیاؑ میں عدیم النظیر آپ ہیں
انبیاؑ میں عدیم النظیر آپ ہیں
زیست پیکر ہے اس کا ضمیر آپ ہیں
سرورِؐ کائنات آپ کی ذات ہے
بے نیازِ سپاہ و سریر آپ ہیں
آپ ہیں خیرو برکت کی بادِ خنک
جو دورحمت کا ابرِ مطیر آپ ہیں
روشنی جس کی مدھم نہ ہوگی کبھی
وہ ہدایت کا مہر منیر آپ ہیں
یہ حریصٌ علیم کی تفسیر ہے
مفلسوں ، بیکسوں کے نصیر آپ ہیں
میں کسی بھیڑ میں بھی اکیلا نہیں
ہر قدم پر مرے دستگیر آپ ہیں
یہ عنایت بھی تائب کوئی کم نہیں
اِس دُکھی روح کے ہم صفیر آپ ہیں