انوار دی بارش ہندی اے درداں دی دوا ہو جاندی اے
انوار دی بارش ہندی اے درداں دی دوا ہو جاندی اے
جدوں پڑھئے نعت محمد دی خالق دی ثناء ہو جاندی اے
آیا وارث کل خدائی دا ، گھر بھر گیا آمنہ مائی دا
سوہنے دے تک کے مکھڑے نوں ، ہر حُور فدا ہو جاندی اے
لے لال حلیمہ آیاں سی ، رہ گیاں پچھے دائیاں سی
جد پاک محمد بہہ جاون ڈاچی وی ہوا ہو جاندی اے
سوہنے نے پیدا ہندیاں ای سر سجدے وچہ رکھ دتا سی
سب اُمّت پہلے سجدے تھیں دوزخ توں رہا ہو جاندی اے
میلاد نبی دا کردا رہو ، سوہنے دی سلامی بھردا رہو
میلاد نبی دی برکت تھیں، مرضاں توں شفا ہو جاندی اے
آج ابر کرم دا چھایا اے، آج نور اوہ رب دا آیا اے
جہدے نام دے صدقے رب کولوں ہر چیز عطا ہو جاندی اے
جدوں کملی والا آیا سی کی منظر ہو سی اوہ صائم
جد ہن وی اوہدا نام لیاں، پرنور فضا ہو جاندی اے