عربی دُلارا عرشاں دا تارا
اوسے دے نوروں ، بنیا ایں جگ سارا
محمد مصطفیٰ بن کے ، امام الانبیاء بن کے
ازلی ، جلوہ ، ہویا اے آشکارا
اوہ ہے سردار دو جگ دا ، اوہ ہے مُختار دو جگ دا
اُس دا جلوہ ہے رب دا نظارا
اوہ بُھکھیاں نوں رجاندا اے ، ناں روٹی آپ کھاندا اے
اوسے دے در تے ہے سب دا گُزارا
اوہ پتھراں نوں بلاندا اے ، تے پانی تے تراندا اے
چَن نُوں ، توڑے، اوہدا اک اشارا
اوہ مالک محل جہاناں دا ، مکاناں لامکاناں دا
بُھکھیاں، نَنگیاں ، دا ہے اوہ سہارا
میں صائم روز کُرلاواں ، اوہدے دربار تے جاواں
جا کے ، اوتھوں ناں پرتاں دوبارا
شاعر کا نام :- علامہ صائم چشتی
کتاب کا نام :- کلیات صائم چشتی