آساں بیٹھے آں مدینے دیاں لا کے تُوں سد لے مدینے والیا
آساں بیٹھے آں مدینے دیاں لا کے تُوں سد لے مدینے والیا
ہنجو پلکاں تے بیٹھے آں سجا کے توں سد لے مدینے والیا
پار کر دے سفینہ میرا سوہنیا
رہوے وسدا مدینہ تیرا سوہنیا
گنہگاراں اُتے رحم فرما کے توں سد لے مدینے والیا
تینوں واسطہ ای تیرے ہر یار دا
تینوں واسطہ مدینے دی بہار دا
میرے سُتے ہوئے لیکھاں نوں جگا کے توں سد لے مدینے والیا
جتھے مہکاں رچائیاں تیرے پیار نے
جتھے جنتاں وی ہندیاں نثار نے
میں وی گلیاں اوہ ویکھ لواں آکے توں سد نے مدینے والیا
جدوں حج دیاں ہندیاں تیاریاں
پھر جاندیاں نے سینے آتے آریاں
کیویں رکھاں بھلا دُکھاں نوں دبا کے توں سد لے مدینے والیا
تُسی جان دے او شابا میرے حال نوں
تُسی جان دے اوہ دلاں دے سوال نوں
نُوری مکھڑے توں پردہ اُٹھا کے تُوں سد لے مدینے والیا
سُن صائم بے تران دیاں زاریاں
رب دتیاں نے تینوں مختاریاں
رحم ماڑیاں غریباں اُتے کھا کے تُوں سد لے مدینے والیا