اتعلیٰ کہوں کہ اذکیٰ و اتقیٰ کہوں تجھے
اتعلیٰ کہوں کہ اذکیٰ و اتقیٰ کہوں تجھے
اسنیٰ کہوں کہ اجلیٰ و اصفیٰ کہوں تجھے
بالا کہوں کہ والا و اعلیٰ کہوں تجھے
سرور کہوں کہ مالک و مولیٰ کہوں تجھے
باغِ خلیل کا گلِ زیبا کہوں تجھے
گم گشتہ راہ ہوں میں تجھے خضرِ رہ کہوں
ایماں کی جان تجھ کو کہوں دیں پنہ کہوں
نورِ خدائے پاک کا اک آئینہ کہوں
حرماں نصیب ہوں تجھے امید گہ کہوں
جانِ مراد کانِ تمنا کہوں تجھے
سرور کہوں کہ مالکِ ہر دوسرا کہوں
رافع کہوں کہ شافعِ روزِ جزا کہوں
ظلِّ الہ کہوں تجھے نورِ خدا کہوں
گلزارِ قدس کا گلِ رنگیں ادا کہوں
درمانِ دردِ بلبلِ شیدا کہوں تجھے
کیا کہنے تیرے جلوہء زیبا کی برکتیں
افسردہ و ملول کو ملتی ہیں راحتیں
نورِ خدا کی ہر سو برستی ہیں نعمتیں
اللہ رے تیرے جسمِ منور کی تابشیں
اے جانِ جاں میں جانِ تجلّا کہوں تجھے
شایاں ہے تجھ کو نبیوں رسولوں کی افسری
تیرے قدم سے عرش کو ملتی ہے برتری
تیری ہی ذات باعثِ تخلیقِ کل بنی
تیرے تو وصف عیب تناہی سے ہیں بری
حیراں ہوں میرے شاہ میں کیا کیا کہوں تجھے
جس کو خدا نے خود کہا محبوب و مصطفیٰ
جس کے نسب میں گذرے ہیں اقطاب و اولیا
شان اس کی کیا گھٹائے گا کم بخت نجدیا
لیکن رضا نے ختم سخن اس پہ کر دیا
خالق کا بندہ خلق کا آقا کہوں تجھے