بن کے ہجر کرم دا آیا اَج سردار کریماں دا
بن کے ہجر کرم دا آیا اَج سردار کریماں دا
سُتیاں سُتیاں جاگ پیا اے سُتا لیکھ حلیماں دا
دو جگ دی سرداری لے کے آ گیا کُل مُختاری لے کے
رب نظام دتا ہتھ جس دے رزق دیاں تقسیماں دا
حُوراں ملک تے نور نظارے، آمنہ دے گھر گھلے سارے
رب نے پہلوں ول سکھا کے یار دیاں تکریماں دا
آمنہ نام چہ میم ہے آئی ، دُوجی میم حلیمہ پائی
تاہیوں فیض دوہاں نے پایا رج رج کے دو میماں دا
دو گھڑیاں محبوبا آجا ، اپنی محفل آپ سجا جا
توں ایں دردی ہر دُکھئے دا توں ایں باپ یتیماں دا
آج میلاد اے تیرا شاہا ، بخت جگا دے میرا شاہا
مالک رب بنایا تینوں سوہنیا سب اقلیماں دا
صدقہ پاک میلاد دا دیویں ، صدقہ پاک اولاد دا دیویں
لین آیا اے صدقہ صائم سوہنیا بی بی شیماں دا