چن تاریاں چ چانن تیرا چن تھلے لاہن والیا
چن تاریاں چ چانن تیرا چن تھلے لاہن والیا
میرے ول وی کدی پا پھیرا ، اُجڑے وسان والیا
توں ہر اک دے درد ونڈاویں
دکھ جھلیں سُکھ جھولی پاویں
دُکھ دُور کریں آ میرا ڈب دے تران والیا
تُوں سورج نوں پِچھے موڑیں
نال اِشارے چن نوں توڑیں
تیرا عرش توں پار اے ڈیرا رُکھاں نوں ٹران والیا
تیرا اسم عظیم ازل توں
تیری ذات کریم ازل توں
تیرا سب توں شان اُچیرا دُکھڑے اُٹھان والیا
سب دی سوہنیا آس پچاویں
چِکڑ بھریاں نوں گل لاویں
سارے جگ دا مُکایا توں ہنیرا والضُّحٰی دی شان والیا
اُس دِل اندر وسدا الله
اوہ دل صائم عرش معلّٰی
جہیڑے دل وچ تیرا اے بسیرا حبیبا لامکان والیا
چن تاریاں چ چانن تیرا چن تھلے لاہن والیا