ڈب دے کدی نئیں جیہڑے نے تارے حضور دے
ڈب دے کدی نئیں جیہڑے نے تارے حضور دے
کشتی حضور دی اے کنارے حضور دے
ہر اک نوں ملدا نور اے آقا دے نور توں
منگتے نے ماہتاب تے تارے حضور دے
اوہناں تے پیار اوندا اے اللہ کریم نوں
جو وی غلام ہَین پیارے حضور دے
میرے نبی دا راج اے کون و مکان تے
عالم نے مِلک سارے دے سارے حضور دے
خوش بخت اوہناں وانگ اے کیہڑا جہان تے
ویہندے سی رات دن جو نظارے حضور دے
چن توڑیا تے جوڑیا سورج نوں موڑیا
اُنگلی دے اک خفیف اشارے حضور دے
چلے گا زور اوہناں تے دُنیا دا کس طراں
صائم جو جی رہے نے سہارے حضور دے