در کُھلا اے سارے عالم لئی میرے مولا کملی والے دا
دُکھ درد اوہ ماہی دُور کرے ہر گورے دا ہر کالے دا
ودھ حرم دے کولوں لگدی اے ہر گلی حرم دے مالک دی
کی حال کوئی دس سکدا اے اہدے گھر دے آل دوالے دی
اوہ ماہی راہی اسریٰ دا کد سدره کول سی رُک سکدا
ہالہ سی واسُو سدرہ دا اُس کامل مہ دے ہالے دا
حامد محمود محمد ﷺ اے طٰہٰ حٰم اے احمد ﷺ اے
ہر اسم معلیٰ اعلیٰ اے کُل عالم دے رکھوالے دا
لکھ وار درود سلام آکھاں ابدی گل مولا دا کلام آکھاں
اوسے دے کول ہی دارو اے صائم دے دَرد کسالے دا
شاعر کا نام :- علامہ صائم چشتی
کتاب کا نام :- کلیات صائم چشتی