در ملیا جے آمنہ دے لال دا ہور ناں دوارے جاوناں
در ملیا جے آمنہ دے لال دا ، ہور ناں دوارے جاوناں
بوہا لبھیا جے نبی لجپال دا ، ہور ناں دوارے جاوناں
سوہنے نبی دا جو در اوہو رب دا اے گھر
پانی مالکاں دا بھر لاہ دے دوزخاں دا ڈر
ایتھے رکھ دیویں سر ایتھے جی ایتھے مر
گلاں لمیاں ناں کر
کوئی دَر نہیوں ہور ایہدے نال دا ہورناں دوارے جاوناں
رک رک رک رک ایس در اُتے رک
ایتھے دکھ جان مک گنہگار جان لک
ایس بوہے جھک جھک سر رکھ کے ناں چک
مٹی پا کے منہ تے بک
ہو کے گم رہویں سجناں نوں بھال دا ہورناں دوارے جاوناں
ایتھے زندگی دی جان ایتھے رب دی اے شان
ایتھے رحمتاں دی کان ایتھے جنگ دی اَمان
ایتھے نور دا جہان ایتھے ہو جا قربان
ایتھے وار جِند جان
سنگی بن جا اویس تے بلال دا ہور ناں دوارے جاوناں
ایتھے مشکلاں دا حل بن جاندی ایتھے گل
ایتھے دکھ جان ٹل ایتھے لیکھ ہون ول
ایہو بوہا رکھیں مل ایتھے جاویں رُل رُل
صائم ایتھے نہیوں کل
سوہنا فیرتے کسے نوں وی نہیں ٹال دا ہور ناں دوارے جاوناں