دل وچ رکھ کے پیار مدینے والے دا
دل وچ رکھ کے پیار مدینے والے دا
بن جا تابعدار مدینے والے دا
دو جگ اُتے سکہ ہر دم چل دا اے
رب دے سوہنے یار مدینے والے دا
شہر مدینے والا کی نہیں کر سکدا
نام ہے جد مختار مدینے والے دا
تیری میری اوتھے دس گل کاہدی اے
منگتا کُل سنسار مدینے والے دا
وچ مدینے گلیاں تے بازاراں وچ
نور ہے جلوہ بار مدینے والے دا
جے توں جان بچاؤنی جگ دیاں دکھاں توں
ناں جپیا کر یار مدینے والے دا
پُھل رحمت دے ورھدے صائم جد آوے
کر دی ورد بہار مدینے والے دا