دو جگ وچ رحمت ورھدی اے دو جگ دا سہارا آیا اے
دو جگ وچ رحمت ورھدی اے دو جگ دا سہارا آیا اے
چہدے ںور تھیں بنیا کل عالم اوہ نور ستارا آیا اے
انوار دے بدل چھا گئے نے ہر اکھ وچ اتھرو آ گئے نے
انج لگدا اپنی محفل وچہ محبوب پیارا آیا اے
حُوراں نے پڑھیا صلِ علیٰ گھر آمنہ دے اوہ چن چڑھیا
دو ٹوٹے ہو چن دھرتی تے جہدا ویکھ اشارا آیا اے
در کھول دئے سوہنیا رحمت دا دیہہ صدقہ جشن ولادت دا
اسلام اُتے آزمائش دا آج ویلا بھارا آیا اے
میں اپنے ورگا کیوں سمجھاں کوئی نبی وی اُس جیہا نہیں بنیاں
گھنڈ میم دا پا کے مکھڑے تے خالق دا نظارا آیا اے
تاں جُھکیا عرش زمین ولے تاں چن نوں اونا پیا تھلے
دھرتی تے خزانہ رحمت دا سارے دا سارا آیا اے
ہو نور و نور جہان گیا مُک ظلم دا سب طوفان گیا
نہیں کشتی نوں ہُن ڈر صائم خُود کول کنارا آیا اے