ایہہ رات نظاریاں والی اے اس رات دیاں کیا باتاں نے
ایہہ رات نظاریاں والی اے اس رات دیاں کیا باتاں نے
ایہہ رات ملاپاں والی اے اَج ملنا ایں دونہہ ذاتاں نے
اَج تاریاں ساریاں رُک جانا رفتار جہاں نے رُک جانا
اَج ہونیاں عرشاں فرشاں تے انوار دیاں برساتاں نے
اَگے وی اُنج تے پڑھدا سی رب پاک دُرود مُحمد تے
رب کول بٹھا کے پڑھیاں آج محبوب اُتے صَلواتاں نے
جو یار نے منگدیاں جانا ایں رب نے جھولی وچ پانا ایں
اَج اُمّت اوگنہار دیاں ہو جانیاں نیک براتاں نے
اینویں تاں منگتیا سنگدا جا ، جو منگ سکیں آج منگدا جا
اَج ورگیاں نوری اے صائم نِت نِت ناں اَوندیاں راتاں نے