فضلِ ربُ العُلیٰ حضور آئے
فضلِ ربُ العُلیٰ حضور آئے
مرحبا مرحبا حضور آئے
احمدِ مُجتبیٰ حضور آئے
شاہِ ہر دوسرا حضور آئے
بے کسو! بے بسو! مبارک ہو
بن کے وہ آسرا حضور آئے
رسمِ دُختر کُشی کا دنیا سے
ہو گیا خاتمہ حضور آئے
مانگ لو مانگ لو اِجابت کا
باب وا ہوگیا حضور آئے
رشکِ فردوس ہے ترا حُجرا
گھر ترے آمنہ حضور آئے
بابِ کعبہ پہ بیتِ اقصیٰ پر
سبز پرچم لگا حضور آئے
ان پہ اِتمام ہے نبوّت کا
خاتم الانبیاء حضور آئے
بخشوانے خدا سے بندوں کو
دینے رب کا پتہ حضور آئے
حشر میں اِک پکار اُٹھے گی
واہ وا واہ وا حضور آئے
گرچہ وحشت ہے قبر میں مرزا
رکھ تسلّی ذرا حضور آئے