گئے ٹُر چھڈ کے مینوں سب سفینے یا رسول اللہ
گئے ٹُر چھڈ کے مینوں سب سفینے یا رسول اللہ
بُلا خود اپنی رحمت تھیں مدینے یا رسول اللہ
جدائی تیری وچ گن گن کے دن لگ دا مہینہ اے
تے لنگھدا سال اے گن گن مہینے یا رسول اللہ
مری تے آرزو چھوٹی جئی اے پوری کر چھڈنا
بھرے رکھے خدا تیرے خزینے یا رسول اللہ
کرم چاہندا ہاں اُنج تے جانناں لائق تیرے در دے
کدوں ہندے میرے ورگے کمینے یا رسول اللہ
مدینے دا وچھوڑا چیر دا رہندا اے دل میرا
تے غم میرے نے ہوئے دونے تینے یا رسول اللہ
تہاڈے رحم تے رحمت دے چرچے ہین دنیا تے
گنہگاراں نوں لالیندے او سینے یا رسول اللہ
بحمد اللہ ایہہ سارے شعر نے صائم دے مہکائے
تصور وچ ترے آکے پسینے یا رسول اللہ