غم جہاں سے یہ کہہ دے مری طرف سے کوئی

غم جہاں سے یہ کہہ دے مری طرف سے کوئی

میں آج اسم محمد کے سائبان میں ہوں

---

زماں مکاں پہ تسلط میرے نبی کا ہے

غریب شہر ہوں اور اپنے ہی مکان میں ہوں

---

نگارِ شہر مدینہ یہ داستاں ہو طویل

مثالِ صدق میں شامل ترے بیان میں ہوں

---

صفات و ذات کے جلوے افق پر پیدا ہیں

میں آسمان تجلی کی اُس اُڑان میں ہوں

---

سلام جس کو کریں ہفت آسماں کشفی

اُسی کا خون ہوں اور اُس کے خاندان میں ہوں

غم جہاں سے یہ کہہ دے مری طرف سے کوئی