غنی ہے شاعرِ نادار اے شہِؐ ابرار
غنی ہے شاعرِ نادار اے شہِؐ ابرار
عجیب شے ہے ترا پیار اے شہِؐ ابرار
اُٹھاکے آنکھ نہ دیکھے زروگہر کی طرف
تری نظر کا طلب گار اے شہِؐ ابرار
زمانہ بدلے، بدل جائیں سب کے سب اقدار
رہے گا تُو مرا معیار اے شہِؐ ابرار
سرِ نیاز مراخم رہے گا تیرے حضور
تمام دہر کے مختار اے شہِؐ ابرار
کرم کرم کہ نہیں ہے ترے کرم کے سوا
جہاں میں کوئی کسی کا غمخواراے شہِؐ ابرار
مدد مدد کہ کمر ٹو ٹنے کوہے میری
غمِ جہاں کا ہے وہ بار اے شہِؐ ابرار
ملے اماں کہ شب و روز بڑھتی جاتی ہے
سپاہِ کرب کی یلغار اے شہِؐ ابرار