ہے ڈبی غم دے وچ میری کہانی یا رسول اللہ
ہے ڈبی غم دے وچ میری کہانی یا رسول اللہ
کرو میرے تے وی ہُن مہربانی یا رسول اللہ
ایہہ سب مخلوق ہے مہمان آقا آپ دے در دی
تے کیتی رب تُساں دی میزبانی یا رسول اللہ
تُساڈے کول نے سارے خزانے رب اکرم دے
ہے دو جگ تے تُساندی حکمرانی یا رسول اللہ
تمنا ہے کراں سرکار دے دربار توں صدقے
میں اپنی ایہہ تمامی زندگانی یا رسول الله
فرشتے قبروچ آون تے بن پچھیاں ای چھڈ جاون
عطا ایسی کرو کوئی نشانی یا رسول اللہ
بڑھاپے وچ تے مینوں نفس ظالم توں بچا لیناں
خطاواں کردیاں گذری جوانی یا رسول اللہ
خطاواں کردیاں رہناں معافی منگدیاں رہناں
ہے عادت تیرے صائم دی پرانی یا رسول اللہ