ہے رب دے نال تیری آشنائی یارسول اللہ
ہے رب دے نال تیری آشنائی یارسول اللہ
تری خاطر ایہہ سب خلقت بنائی یارسول اللہ
فرشتے جن و انسان حور و غلماں چن تے تارے
سدا کردے ترے در دی گدائی یارسول اللہ
فقیر و بےنوا ہووے تے بھاویں شہنشہ ہووے
تیری محتاج ہے ساری خُدائی یارسول اللہ
ہے مُشکل وقت أمت تے نگاہِ لطف فرمانا
دُہائی یارسول الله دُہائی یارسول الله
ضیا سورج دی ہے تیرے رُخ والفجر دا صدقہ
جہاں دا حسن تیری مصطفائی یارسول اللہ
ناں سُورج روشنی دیندا ناں چن دی چاننی ہندی
نے ناں ہندی تری جلوہ نمائی یا رسول الله
تیرا لطف و کرم تیری نوازش ہے ایہہ صائم تے
مِلی جو آپ دی مدحت سرائی یارسول الله