ہنجواں دیاں وگدیاں نہراں چوں اکھیاں نے طہارت کرلئی اے
ہنجواں دیاں وگدیاں نہراں چوں اکھیاں نے طہارت کرلئی اے
دو گھڑیاں تڑپ کے دل نے وی طیبہ دی زیارت کر لئی اے
جد ناں آقا دا سنیاں سی چم چم اکھیاں تے لایا سی
کر لاں گا ہور عبادت وی پر اصل عبادت کر لئی اے
سب مک گئے جھگڑے جھیڑے نے سب منزلاں آیاں نیڑے نے
چھڈ سنگت جگ دی جس دن توں والیاں دی رفاقت کر لئی اے
حق سچ اے شفاعت محشر دی پر میرے مدنی ماہی نے
معراج دی راتیں رو رو کے اُمّت دی شفاعت کر لئی اے
اوہ تاجاں تختاں والے سب دن حشر دے ماراں کھاون گے
چھڈ یار دا دامن جنہاں نے دن چار حکومت کر لئی اے
دُنیا دے ظلم دے گھیرے چوں اک دن اُس نکل باہر آجانا
جس اپنے ولے رو رو کے اللہ دی رحمت کر لئی اے
اُس اُتے حشر دیہاڑے نوں کوئی صائم آنچ ناں اونی ایں
اج نال نبی دی عترت دے جہنے وی مودّت کر لئی اے