حق رسم محبت دا ادا کون کرے گا
حق رسم محبت دا ادا کون کرے گا
سرکار توں جان اپنی فدا کون کرے گا
محبوب دی نینداتوں نماز اپنے خدا دی
بن حیدر کرارؓ قضا کون کرے گا
چھٹ جان گے اک روز تے عمراں دے وی قیدی
زلفاں دے اسیراں نوں رہا کون کرے گا
وچ روضہ اطہر دے پئے نال جو دونویں
سرکار دے یاراں نوں جدا کون کرے گا
جو یار دے غم وچ نہ شفا منگے خدا توں
بیمار محبت دی دوا کون کرے گا
جس مندڑے نوں سوہنے دی نظر کر دی اے چنگیاں
اس چنگے دا دنیا تے برا کون کرے گا
لیکھاں توں بناں نعت لکھے کون ظہوریؔ
بن عشق نبی اوہدی ثنا کون کرے گا