ہے ہر شان بھاری توں بھاری نبی دی
ہے ہر شان بھاری توں بھاری نبی دی
ایہہ رونق ہے ساری دی ساری نبی دی
ایہہ دھرتی دا کیہڑا کِویں اوہدے ورگا
گئی عرشوں اَگے سواری نبی دی
اوہ صدیق و حیدر بنے سی جنہاں نے
محبت دلاں وچ اُتاری نبی دی
خُدا نعت پڑھدا نبی دی کرے کی
بیان شان خلقت وچاری نبی دی
سِراں نوں جُھکاندا سی خُلق مُحمد
دلاں تے سی چلدی کٹاری نبی دی
پیا نقص لبھدا اے مُلاں تے رب نوں
ادا کلی کلی اے پیاری نبی دی
بچا لیندی صائم نوں سب مشکلاں چوں
مُحبت علی دی تے یاری نبی دی