ہر طرف اے بارش خوشیاں دی ہر پاسے نور نظارے نے
ہر طرف اے بارش خوشیاں دی ہر پاسے نور نظارے نے
اج صدقے کملی والے دے رب سب دے بخت سنوارے نے
آئے چارہ گر بے چاریاں دے، دُکھ مُک گئے غم دے ماریاں دے
امت لئی پیدا ہندیاں ای ، سجدے محبوب گزارے نے
افلاک دے تارے جھک گئے نے ، کعبے دے منارے جُھک گئے نے
نیوں نیوں کے سلامی دتی اے محبوب نوں عالم سارے نے
سب دُنیا نور و نور ہوئی ، ہر جھولی اج بھر پور ہوئی
محبوب دے صدقے خالق نے ، آج دونویں عالم تارے نے
جو چن دے اندر چمک رہیا ، جو سورج دے وچ دمک رہیا
گھر آمنہ دے اوہ نور آیا، جس نور دے سب چمکارے نے
والشمس کہیا یسین کہیا ، برھان تے نور مبین کہیا
محبوب دی صائم نعت پڑھی ، قرآن دے اک اک پارے نے