ہر طرف بہاراں نے ہر طرف اُجالے نے
ہر طرف بہاراں نے ہر طرف اُجالے نے
دنیا نوں وسا چھڈیا میرے کملی والے نے
دن حشر دے ڈھک لینا ہر مجرم و عاصی نوں
سرکارِ مدینہ دی رحمت دے دو شالے نے
مُجرم ساں بڑا بھارا دن حشر دے میں سب توں
دوزخ توں بچا چھڈیا اہدے ناں دے حوالے نے
مُنہ کالا ساں میں دفتر عملاں دا وی کالا سی
منہ کالے دی لاج رکھ لئی اہدے کمبل کالے نے
کس نال مثال دیاں اوہدے شہر مدینے دی
ذرے وی مدینے دے دُنیا توں نرالے نے
جند جان نوں وار دیاں سرکار دی یاد اُتوں
دُکھ درد زمانے دے اوہدی یاد نے ٹالے نے
اوہناں دے مزاراں تے انوار دا مینہ وسنا
دیوے جہناں محفل وچ اہدی یاد دے بالے نے
سرکار دا غم صائم دُنیا توں لکاؤندا ساں
اس راز نوں کھول دیتا ہنجواں دے اچھالے نے